Xalq deputatlari Oqoltin tuman Kengashi raisi Sh.Eshbayev hamda kotibiyat mudiri N.Turdiyevlar tomonidan navbatdagi sessiya kun tartibiga kiritilgan masala yuzasidan Shodlik MFYda ham o‘rganish ishlari olib borildi. Jarayonda mahalla xotin-qizlar faoli bilan muloqot o‘tkazilib, hududdagi mavjud masalalar atroflicha muhokama qilindi. O‘rganish davomida ajrimlar masalasiga alohida e’tibor qaratildi. Ma’lum bo‘lishicha, o‘tgan yilning 1-choragida 2 ta ajrim holati qayd etilgan bo‘lsa, joriy yilning
shu davrida ushbu ko‘rsatkich 4 taga yetgani aniqlandi. 

 Mazkur holat yuzasidan mutasaddilar tomonidan oilaviy ajrimlarning oldini olish, oilalarni qo‘llab-quvvatlash va xotin-qizlar bilan ishlash samaradorligini oshirish zarurligi ta’kidlanib, bu borada manzilli va tizimli ishlarni kuchaytirish bo‘yicha tegishli tavsiyalar berildi. 

  Xalq deputatlari Oqoltin tumani Kengashi kotibiyati.