Халқ депутатлари Пахтаобод туман Кенгаши раиси ҳамда котибият мудири иштирокида навбатдаги йиғилиш ўтказилди. Унда туман Кенгаши депутатлари иштирок этиб, ҳудудни ижтимоий-иқтисодий ривожлантиришга доир муҳим масалалар муҳокама қилинди.

Йиғилишда ўтган ҳафтада амалга оширилган ишлар таҳлил қилиниб, эришилган натижалар ва йўл қўйилган камчиликлар атрофлича кўриб чиқилди. Шу билан бирга, аҳоли мурожаатлари билан ишлаш, жойлардаги муаммоларни ўз вақтида бартараф этиш ва қабул қилинган қарорлар ижросини таъминлаш масалаларига алоҳида эътибор қаратилди.

Шунингдек, ҳафта давомида амалга оширилиши лозим бўлган устувор вазифалар белгилаб олинди. Депутатларга ҳудудларда фаол бўлиш, аҳоли билан доимий мулоқот ўрнатиш ва уларни қийнаётган масалаларни ўрганиб, амалий ечимлар таклиф этиш бўйича аниқ топшириқлар берилди.

Йиғилиш якунида белгиланган вазифаларни ўз вақтида ва сифатли бажариш, назоратни кучайтириш ҳамда иш самарадорлигини ошириш юзасидан тегишли кўрсатмалар берилди.

Бундай йиғилишлар ҳудудларда тизимли ишларни ташкил этиш, депутатлик фаолияти самарадорлигини ошириш ва аҳоли манфаатларини таъминлашда муҳим аҳамият касб этади.