Tashrif jarayonida fermer xo‘jaligi tomonidan qishloq xo‘jaligi ekinlarini yetishtirish, yer resurslaridan samarali foydalanish hamda ishlab chiqarish jarayonlarini yo‘lga qo‘yish borasida amalga oshirilayotgan ishlar bilan yaqindan tanishildi.

Shuningdek, fermer xo‘jaligi rahbari tomonidan 45 nafar ishsiz fuqaroning doimiy ish bilan ta’minlangani alohida e’tiborga molik ekani qayd etildi. Bu esa hududda bandlikni ta’minlash, aholi daromadlarini oshirish hamda ijtimoiy barqarorlikni mustahkamlashga xizmat qilayotgani ta’kidlandi.

Tashrif yakunida mazkur fermer xo‘jaligi faoliyatini yanada rivojlantirish, ish o‘rinlari sonini ko‘paytirish hamda ilg‘or tajribalarni keng joriy etish yuzasidan tegishli tavsiyalar berildi.