Xalq deputatlari Sharof Rashidov tuman Kengashi deputati Isomxonova Gulnora Sharafuddinovna tomonidan saylovchilar bilan o‘tkazilgan uchrashuvlar, sayyor qabullar hamda hududlarda olib borilgan o‘rganishlar davomida aholini qiynab kelayotgan bir qator dolzarb muammolar aniqlanib murojaatlar asosida tegishli tashkilotlarga deputatlik so‘rovlari yuborilib, muammolarga amaliy yechim topish choralar ko‘rilmoqda.

Jumladan, tumanning Xavastlik mahallasida joylashgan Sadriddin Ayniy ko‘chasidan o‘tgan ariqlarda chiqindilar tez to‘planishi hamda nohush hidlar tarqalishining oldini olish maqsadida mazkur ariqlarni betonlash hamda ariqlarni tozalash jarayonida chiqarilgan chiqindilarni o'z vatqida olib chiqib ketish masalalarini ko‘rib chiqish, mavjud muammolarni bartaraf etish bo‘yicha amalga oshirilgan ishlar va rejalashtirilgan choralar haqida yozma axborot taqdim etish yuzasidan deputatlik so‘rovi yuborildi.