Xalq deputatlari Oqoltin tuman Kengashi raisi Sh.Eshbayev hamda kotibiyat mudiri N.Turdiyevlar tomonidan navbatdagi sessiya kun tartibiga kiritilgan masala yuzasidan A.Navoiy MFYda o‘rganish ishlari olib borildi. Jarayonda mahallaning xotin-qizlar faoli bilan suhbatlashilib, hududdagi ijtimoiy muammolar atroflicha muhokama qilindi. 

O‘rganish davomida eng muhim masalalardan biri — ajrimlar sonining ortib borayotgani alohida e’tiborga olindi. Xususan, o‘tgan yilning 1-choragida 2 ta ajrim holati
qayd etilgan bo‘lsa, joriy yilning shu davrida ushbu ko‘rsatkich 3 taga yetgani aniqlandi. 

Mazkur holat yuzasidan mutasaddilar tomonidan ajrimlarning oldini olish, oilaviy muhitni mustahkamlash, xotin-qizlar va oilalar bilan manzilli ishlashni kuchaytirish zarurligi ta’kidlandi. Shu bilan birga, bu borada tizimli choralar ko‘rish bo‘yicha tegishli tavsiyalar berildi. 

  Xalq deputatlari Oqoltin tumani Kengashi kotibiyati.