Xalq deputatlari tuman Kengashi kotibiyati mudiri M.Qoraboyeva hamda deputat D.Jo‘rayevalar tomonidan Yuqoriqishloq mahalla fuqarolar yig‘inida “mahalla yettiligi” faoliyati o‘rganildi.

Unda O‘zbekiston Respublikasi Prezidentining 2023-yil 21-dekabrdagi PF-209-sonli “Mahallalarda boshqaruv tizimini yanada takomillashtirish chora-tadbirlari to‘g‘risida”gi Farmoni asosida mahalla yettiligi zimmasiga yuklatilgan vazifalar ijrosi muhokama qilindi.

Uchrashuv davomida mahallaning ijtimoiy-iqtisodiy holati, infratuzilmani rivojlantirish, yoshlar va xotin-qizlar bilan ishlash, bandlikni ta’minlash kabi ustuvor yo‘nalishlar atroflicha muhokama qilinib, mavjud muammolar joyiga chiqib o‘rganildi.

Shuningdek, mahalla faollari, yettilik a’zolari hamda tuman Kengashi deputatlari o‘rtasidagi hamkorlikni yanada mustahkamlash, faoliyat samaradorligini oshirish yuzasidan aniq vazifalar belgilab olindi.