Tuman Tibbiyot birlashmasi rahbariga Xalq deputatlari Toshloq tuman Kengashi deputati M.Qoraboyeva tomonidan O‘zbekiston Respublikasi Prezidentining 2023-yil 8-sentyabrdagi “Onalar va bolalar salomatligini muhofaza qilish, aholining reproduktiv salomatligini mustahkamlash chora-tadbirlari to‘g‘risida”gi PQ-296-sonli qarori ijrosini ta’minlash doirasida amalga oshirilayotgan ishlar yuzasidan deputat so'rovi yuborilgan edi.

Mazkur so‘rovga belgilangan tartibda rasmiy javob taqdim etildi. Toshloq tumani Tibbiyot birlashmasi ma’lum qilganidek, joriy yilning dastlabki uch oyida 1 460 nafar homilador ayol dispanser nazoratiga olingan, 52 328 nafar tug‘ish yoshidagi ayoldan esa 16 338 nafari tibbiy ko‘rikdan o‘tkazilgan. Aniqlangan ekstragenital kasalliklar bo‘yicha 4 599 nafar ayol sog‘lomlashtirish kursini muvaffaqiyatli yakunlagan, 710 nafari esa davolanish jarayonini davom ettirmoqda.

Shuningdek, homilador va tug‘ish yoshidagi ayollar hamda bolalarga vitaminlar, yod va foliy kislotasi bepul taqdim etilmoqda. Tumanda 3–18 yoshdagi bolalarda onkogematologik kasalliklarni, ayollarda esa bachadon bo‘yni va ko‘krak bezi saratonini erta aniqlash maqsadida skrining tadbirlari muntazam ravishda tashkil etilgan.