Xalq deputatlari Uchquduq tuman Kengashi deputati M.Ravshanova tomonidan saylov okrugi hududida aholi foydalanishi uchun mo‘ljallangan chiqindi to‘plash joylari hamda ularning sanitariya holati joyiga chiqqan holda atroflicha o‘rganildi.

 O‘rganish jarayonida hududdagi mavjud chiqindi to‘plash shoxobchalari, konteynerlarning texnik holati, ularning joylashuvi hamda atrof-muhitga ko‘rsatayotgan ta’siri chuqur tahlil qilindi.

 Tahlillar natijasida ayrim chiqindi to‘plash joylari va konteynerlar belgilangan sanitariya va texnik talablarga to‘liq javob bermasligi aniqlanib, mavjud kamchiliklar qayd etildi.

 Aniqlangan muammolarni bartaraf etish yuzasidan tegishli tashkilotlar va mas’ul idoralarga deputatlik tartibida murojaatlar yo‘naltirildi. Hozirgi vaqtda mas’ullar tomonidan chiqindi to‘plash joylarini ta’mirlash, yangilash hamda tartibga keltirish bo‘yicha amaliy ishlar olib borilmoqda.

 Mazkur chora-tadbirlar hududda ekologik barqarorlikni ta’minlash, aholining yashash sharoitini yaxshilash hamda sanitariya-gigiyena talablariga rioya etish darajasini oshirishga xizmat qiladi.