Оғир маҳаллаларни ривожлантириш ишлари давом этмоқда.

Ўзбекистон Республикаси Президентининг “2026 йилда ҳудудларни янгича ёндашувлар асосида ривожлантириш орқали аҳоли даромадини ошириш, барқарор иш ўринларини яратиш ҳамда камбағалликни қисқартириш чора-тадбирлари тўғрисида”ги ПҚ-49-сонли қарорига асосан, Янгиқўрғон туманида “оғир” тоифага киритилган 4 та — “Қутлуғтол”, “Обод”, “Салмон” ва “Тиллатепа” маҳаллалари танлаб олинган.

Мазкур маҳаллаларда аҳоли турмуш шароитини яхшилаш, инфратузилмани ривожлантириш ҳамда муҳандислик-коммуникация тармоқларини янгилаш мақсадида жами 12 млрд. сўм маблағ йўналтирилиши режалаштирилган.

Ҳозирда дастур доирасида “Обод” маҳалласида амалий ишлар олиб борилмоқда.

“OZOD” МЧЖ томонидан 600 млн. сўм маблағ ҳисобидан 1 километр узунликдаги канализация тармоғини тортиш ишлари олиб борилмоқда.

Янгиқўрғон туман хокими,халк депутатлари Янгиқўрғон туман Кенгаши депутати А.Нажмиддинов сайлов округидаги ушбу қурилиш жараёнларини кўздан кечирди, масъулларга объектни талаб даражасида топшириш  бўйича вазифалар берилди.