Халқ депутатлари Янгиқўрғон тумани Кенгаши депутати Мирзалиев Хабибулло Авазбекович томонидан сайлов округида жойлашган 29-сонли мактабгача таълим ташкилотида ўрганиш ишлари олиб борилди.

Ташриф давомида муассасада тарбияланаётган болалар учун яратилган шарт-шароитлар, озиқ-овқат таъминоти ва унинг сифати, кунлик таомнома ҳамда санитария-гигиена талабларига риоя этилиши ҳолати кўздан кечирилди.

Шунингдек, болалар билан олиб борилаётган таълим-тарбия машғулотлари, уларнинг мазмун-моҳияти ва самарадорлиги ўрганилиб, болаларнинг жисмоний ва интеллектуал ривожланишига қаратилган ишларга алоҳида эътибор қаратилди.

Ўрганиш жараёнида муассаса ходимлари билан мулоқот қилиниб, мавжуд муаммолар ва таклифлар муҳокама этилди. Аниқланган камчиликларни бартараф этиш, болалар учун янада қулай ва хавфсиз муҳит яратиш ҳамда таълим-тарбия сифатини ошириш юзасидан тегишли тавсиялар берилди

Slide 1 of 4