Deputat Muattar Mirzajonova tomonidan “Bunyodkor” mahallasida saylovchilar bilan navbatdagi uchrashuv tashkil etildi. Tadbir davomida joriy yilning 1-chorak yakunlari yuzasidan amalga oshirilgan ishlar bo‘yicha atroflicha axborot berildi.

Uchrashuvda hududda ijtimoiy-iqtisodiy sohalarda olib borilgan ishlar, infratuzilmani yaxshilash, aholi turmush darajasini oshirishga qaratilgan chora-tadbirlar hamda kelgusidagi rejalar haqida batafsil ma’lumotlar taqdim etildi.

Shuningdek, saylovchilar tomonidan bildirilgan taklif va murojaatlar tinglanib, ularning bir qismi joyida muhokama qilindi hamda tegishli mas’ullar bilan birgalikda hal etish bo‘yicha kelishuvlar amalga oshirildi.

Uchrashuv ochiq muloqot ruhida o‘tib, fuqarolarning savollariga batafsil javoblar berildi hamda mahalla rivoji yo‘lida hamkorlikni yanada kuchaytirish zarurligi ta’kidlandi.