#deputatlik_faoliyati

Xalq deputatlari Toshkent viloyati Kengashi deputati S.Shamsiyev tomonidan 2026-yilning 1-choragi yakunlariga bag‘ishlab saylovchilar bilan ochiq muloqot tashkil etildi. Mazkur uchrashuvda deputat o‘zining hisobot davridagi faoliyati yuzasidan batafsil ma’lumot berib, hududda amalga oshirilgan ishlar, ko‘tarilgan muammolar hamda ularning yechimi borasida olib borilgan sa’y-harakatlar haqida to‘xtalib o‘tdi.

Xususan, aholi murojaatlari bilan ishlash, ijtimoiy soha obyektlaridagi muammolarni o‘rganish, infratuzilmani yaxshilash, tadbirkorlikni qo‘llab-quvvatlash hamda fuqarolarning turmush darajasini oshirishga qaratilgan tashabbuslar muhokama qilindi. Shuningdek, deputat tomonidan tegishli tashkilotlar bilan hamkorlikda amalga oshirilgan amaliy ishlar va erishilgan natijalar yuzasidan aniq misollar keltirildi.

Ochiq muloqot davomida saylovchilar tomonidan bildirilgan taklif va muammolar tinglanib, ularning ayrimlariga joyida huquqiy tushuntirishlar berildi, qolgan masalalar esa tegishli tartibda nazoratga olinishi ma’lum qilindi. Uchrashuv samimiy ruhda o‘tib, fuqarolar bilan ochiq va bevosita muloqot olib borilishi deputatlik faoliyatining muhim yo‘nalishlaridan biri ekani alohida ta’kidlandi.