#kotibiyat_faoliyati

Xalq deputatlari Toshkent viloyati Kengashi kotibiyati mudiri O.Anarov tomonidan Bekobod tumani Kengashida ish yuritish tizimi hamda ijro hujjatlarining amaldagi holati yuzasidan o‘rganish ishlari olib borildi. Tahlil jarayonida xalq deputatlari Bekobod tumanidan Toshkent viloyat Kengashiga saylangan deputat R.Pirmatov ishtirok etdi.

O‘rganish jarayonida Kengash kotibiyatida hujjatlar bilan ishlash tartibi, kirim-chiqim hujjatlarining yuritilishi, ularning ro‘yxatga olinishi va ijrosi ustidan nazorat mexanizmlari batafsil tahlil qilindi.

Xususan, yuqori turuvchi tashkilotlardan kelib tushgan topshiriqlar, qaror va farmoyishlarning ijrosi, ularning o‘z vaqtida va sifatli bajarilishi, shuningdek, ijro intizomiga rioya etilishi holati alohida e’tibor markazida bo‘ldi. Shu bilan birga, hujjatlarning saqlanishi, arxivlashtirish jarayoni hamda elektron hujjat aylanishi tizimidan foydalanish darajasi ham o‘rganildi.

Monitoring davomida mas’ul xodimlar bilan muloqotlar o‘tkazilib, mavjud kamchilik va muammolar aniqlanib, ularni bartaraf etish bo‘yicha amaliy tavsiyalar berildi. Jumladan, ijro hujjatlari bilan ishlashda aniqlik va tezkorlikni ta’minlash, nazorat tizimini kuchaytirish hamda hujjat aylanishini yanada takomillashtirish yuzasidan tegishli ko‘rsatmalar bildirildi.

O‘rganish yakunida ish yuritish samaradorligini oshirish, ijro intizomini mustahkamlash va hujjatlar bilan ishlash madaniyatini yanada yuksaltirish bo‘yicha aniq chora-tadbirlarni amalga oshirish zarurligi qayd etildi.

📱 Telegram (https://t.me/TV_Kengash) 📱 Instagram (https://www.instagram.com/toshkent_viloyati_kengashi) 📱 Facebook (https://www.facebook.com/profile.php?id=61577107284073&locale=ru_RU)