Olmazor tumanida joylashgan 535-sonli davlat maktabgacha ta’lim tashkilotida o‘rganish ishlari olib borildi

Xalq deputatlari Olmazor tuman Kengashi deputatlari tomonidan Olmazor tumanida joylashgan 535-sonli davlat maktabgacha ta’lim tashkilotida olib borilayotgan kapital ta’mirlash ishlari joyiga chiqib o‘rganildi hamda qurilish-ta’mirlash jarayonining bugungi holati ko‘zdan kechirildi.

O‘rganish davomida muassasa binosida amalga oshirilayotgan ichki ta’mirlash ishlari, xonalarni zamonaviy talablar asosida jihozlash, bolalar uchun yaratilayotgan shart-sharoitlar hamda foydalanilayotgan qurilish materiallari sifati yuzasidan mas’ullar bilan suhbat o‘tkazildi. Shuningdek, ta’mirlash ishlarini belgilangan muddatlarda va sifatli yakunlash bo‘yicha tegishli tavsiyalar berildi.

Deputatlar tomonidan ta’kidlanganidek, maktabgacha ta’lim muassasalarida bolalar uchun xavfsiz, qulay va zamonaviy muhit yaratish ustuvor vazifalardan biri hisoblanadi. Shu bois mazkur muassasada olib borilayotgan kapital ta’mirlash ishlari doimiy deputatlik nazoratida ekani qayd etildi.

Mazkur o‘rganish ishlari kelgusida muassasani foydalanishga topshirish jarayonini jadallashtirish hamda yosh avlod uchun yanada munosib ta’lim-tarbiya muhitini yaratishga xizmat qiladi.