Deputat X.Raxmatov joriy yilning birinchi choragi davomida hududdagi ijtimoiy-iqtisodiy masalalarni hal etish, aholi murojaatlarini oʻrganish va ularga amaliy yechim topish borasida qator ishlar amalga oshirilganligini maʼlum qildi. 

Xususan, aholi bilan uchrashuv dаvomida ularni qiynayotgan muammolar tinglandi va tegishli tashkilotlar bilan hamkorlikda hal etilishi taʼkidlab oʻtildi.  

Shuningdek, hudud infratuzilmasini yaxshilash, taʼlim va tibbiyot muassasalari faoliyatini qoʻllab-quvvatlash, tadbirkorlikni rivojlantirishga qaratilgan chora-tadbirlar bosqichma-bosqich amalga oshirilishiga erishildi. Deputatlik nazorati doirasida aholiga arzon oziq-ovqat mahsulotlarini yetkazib berish yuzasidan “Eski Juva” bozorida bir qator masalalar tegishli tartibda oʻrganib chiqilgani haqida aytib o'tdi. 

Bundan tashqari, deputat faoliyati boʻyicha mahalladagi eng muhum 24 ta yoʻnalish boʻyicha hokim yordamchisi, yoshlar va ijtimoiy xodimlarning faoliyati muhokama qilindi. Bu yoʻnalishlar boʻyicha ehtiyojmand oilalarga manzilli yordamlar tashkil etish, yoshlar bandligini taʼminlash, xotin-qizlar bilan ishlash, ularni qoʻllab-quvvatlash va huquqbuzarliklarning oldini olish boʻyicha profilaktik ishlar kuchaytirish hamda obodonlashtirish va tozalik ishlari tizimli ravishda amalga oshirish yuzasidan olib borilayotgan ishlar mahalla masʼullari tomonidan hisobot tarzida qabul qilindi. Hisobotlarda erishilgan natijalar bilan bir qatorda, mavjud muammolar va ularni bartaraf etish boʻyicha aniq rejalar ham belgilab olindi.

Uchrashuv yakunida deputat Xasan Raxmatov kelgusida ham aholi farovonligini oshirish, mahalla hududlarni yanada rivojlantirish va fuqarolar manfaatlarini himoya qilish ustuvor vazifa boʻlib qolishini maʼlum qildi.