“YASHIL MAKON” DOIRASIDA YASHIL BOG‘ HOLATI NAZORAT QILINDI

🔹 Farg‘ona tumanida “Yashil makon” dasturi doirasida “Yangi O‘zbekiston” massivida barpo etilgan yashil bog‘ holati yuzasidan Xalq deputatlari Farg‘ona tumani Kengashi deputati Dilshod Karimov tomonidan nazorat tadbiri o‘tkazildi.

🔹 Tadbir davomida “Yangi asr” MFY hududidagi yashil bog‘da amalga oshirilayotgan ishlar joyida o‘rganilib, ko‘chat va butalarning parvarishi, sug‘orish tizimi hamda obodonlashtirish ishlarining sifati mutasaddilar bilan birgalikda tahlil qilindi.

🔹 Qayd etildiki, “Yashil makon” tashabbusi hududlarda ekologik muhitni yaxshilash, obodlikni ta’minlash va sog‘lom yashash sharoitlarini yaratishga qaratilgan muhim dastur bo‘lib, undagi ishlar barcha mas’ullardan yuqori mas’uliyat va samarali natijadorlikni talab etadi.