O‘rganish jarayonida “Suv yetkazib berish xizmati” davlat muassasasi direktori Rajabov Chorshanbi tomonidan hududda joriy etilayotgan tomchilatib sug‘orish tizimi haqida batafsil ma’lumot berildi. Unda dalaga tortilgan asosiy suv quvuri orqali suvning butun maydonga taqsimlanishi, shuningdek, nihollar yonidan o‘tgan ingichka quvurlar orqali suvning bevosita ildiz qismiga tomchilab yetkazilayotgani amaliy tarzda ko‘rsatib berildi. Mazkur o‘rganish davomida suv tejovchi zamonaviy texnologiyalarni joriy etish natijasida suv resurslaridan oqilona foydalanilayotgani, ekinlarning samarali sug‘orilishi ta’minlanayotgani hamda agrotexnologiyalarning ilg‘or usullari amaliyotga keng tatbiq etilayotgani qayd etildi. Shuningdek, deputat tomonidan ushbu tizimni yanada kengaytirish, suvdan samarali foydalanish ko‘lamini oshirish hamda fermer xo‘jaliklarida zamonaviy sug‘orish texnologiyalarini joriy etishni jadallashtirish yuzasidan tegishli tavsiyalar berildi.