Xalq deputatlari Angor tuman Kengashining 23-Tallashqon saylov okrugi deputati Xolmurodov Xayrulla hamda Tuman Kengashi kotibiyati bosh mutaxassisi Choriyeva Mahliyo tomonlaridan 2-sonli oilaviy poliklinikada navbatdagi nazorat-tahlil tadbiri o‘tkazildi. O‘rganish jarayonida poliklinikaning ro‘yxatga olish xonalari, bemorlarni qabul qilish va xizmat ko‘rsatish uchun yaratilgan shart-sharoitlar atroflicha ko‘zdan kechirildi. Shuningdek, zamonaviy axborot texnologiyalari, jumladan, monitoring ekranlari ishlash holati o‘rganildi. Tibbiyot muassasasida faoliyat yuritayotgan hamshiralar bilan suhbatlar o‘tkazilib, ularning kasbiy amaliy ko‘nikmalari hamda bemorlarga xizmat ko‘rsatish sifati yuzasidan fikr-mulohazalar tinglandi.Shu bilan birga, bemorlar bilan bevosita muloqot qilinib, ularga ko‘rsatilayotgan tibbiy xizmat sifati, yaratilgan sharoitlar hamda muammolar yuzasidan murojaat va takliflari tinglandi. Mazkur nazorat-tahlil tadbiri davomida aniqlangan masalalar yuzasidan deputat tegishli taklif va tavsiyalar berdi.