Xalq deputatlari Angor tuman Kengashi 20-Do'stlik saylov okrugi deputati Qulliyeva Orzigul hamda tuman Kengashi kotibiyati bosh mutaxassisi Xurramov Laziz hamkorligida "Do'stlik mahallasi faoliyati o'rganildi . O‘zbekiston Respublikasi Prezidentining 2022-yil 1-martdagi PF–81-son Farmoni — “Oila va xotin-qizlar bilan ishlash, mahalla va nuroniylarni qo‘llab-quvvatlash tizimini takomillashtirish chora-tadbirlari to‘g‘risida” ijrosi doirasida Do‘stlik mahallasida amalga oshirilayotgan ishlar deputat tomonidan atroflicha o‘rganildi va tahlil qilindi. O‘rganishlar davomida mahallada xotin-qizlarni ijtimoiy qo‘llab-quvvatlash, ularning bandligini ta’minlash hamda turmush darajasini yaxshilash borasida qator amaliy ishlar olib borilayotgani aniqlandi. Jumladan, 47 nafar xotin-qizlarga 1 million so‘mdan moddiy yordam mablag‘lari ajratilgan bo‘lib, bu ularning ijtimoiy holatini yaxshilashga xizmat qilmoqda. Shuningdek, kam ta’minlangan va ehtiyojmand oilalarga kiyim-kechaklar tarqatilib, ijtimoiy himoya yanada kuchaytirilmoqda Ijtimoiy reyestrga kiritilgan oilalarni qo‘llab-quvvatlash maqsadida tikuv mashinalari ajratilib, ularning daromad manbaini shakllantirishga ko‘maklashilmoqda. Deputat tomonidan murojaatlar bilan ishlash tizimi ham alohida e’tiborga olinib, mahalla raisi tomonidan fuqarolarning yo‘l infratuzilmasi hamda elektr energiyasi bilan bog‘liq muammolari o‘rganildi. O‘rganish yakunida deputat tomonidan xotin-qizlar bandligini ta’minlash, ularning ijtimoiy himoyasini yanada kuchaytirish hamda mavjud muammolarni tizimli hal etish yuzasidan tegishli tavsiya va takliflar bildirildi.