Xalq deputatlari Paaxtakor tuman Kengashi deputati Z.Jumaboyev tomonidan Olmazor MFYda hokim yordamchisi faoliyati hamda amalga oshirilayotgan ishlar samaradorligi o‘rganildi.

O‘rganish jarayonida, ayniqsa, aholini kambag‘allikdan chiqarish, bandligini ta’minlash, daromad manbalarini kengaytirish borasida olib borilayotgan ishlar tahlil qilindi. Hududda fuqarolarni qo‘llab-quvvatlash, ularni tadbirkorlikka jalb etish va ijtimoiy himoyaga muhtoj oilalar bilan ishlash masalalariga alohida e’tibor qaratildi.

Shuningdek, mavjud muammolar o‘rganilib, ularni bartaraf etish yuzasidan tegishli tavsiyalar berildi hamda ushbu yo‘nalishdagi ishlarni yanada samarali tashkil etish zarurligi ta’kidlandi.

Mazkur masala deputat tomonidan doimiy nazoratga olindi.