Joriy yilning 17-aprel tuman hokimligi katta majlislar zalida Xalq deputatlari Uchquduq tuman Kengashining navbatdagi 24-sessiyasi bo‘lib o‘tdi. Unda deputatlar, tuman hokimi o‘rinbosarlari, bo‘lim boshliqlari hamda kun tartibidagi masalalarga aloqador korxona va tashkilotlar rahbarlari ishtirok etdi.

 Sessiya davomida quyidagi muhim masalalar ko‘rib chiqildi:

▪️ xotin-qizlarni qo‘llab-quvvatlash, ularning huquqlari va qonuniy manfaatlarini himoya qilish hamda tadbirkorlik faoliyatini rivojlantirishga ko‘maklashish;

▪️ O‘zbekiston Respublikasi Prezidentining PF-185-sonli Farmoni ijrosi doirasida favqulodda vaziyatlardan muhofaza qilish tizimini takomillashtirish;

▪️Vazirlar Mahkamasining 665-sonli qaroriga muvofiq ichki yo‘llarni saqlash va joriy ta’mirlash bo‘yicha 2026 yil uchun manzilli dastur loyihasini tasdiqlash;

▪️aholi murojaatlari bilan ishlash holati yuzasidan Xalq qabulxonasi axboroti tinglandi;

▪️maktabgacha va maktab ta’limi sohasida amalga oshirilgan ishlar sarhisob qilindi.

Kun tartibidagi masalalar yuzasidan mutasaddi rahbarlarning hisobotlari eshitildi.

Sessiya davomida deputatlar tomonidan bildirilgan taklif va mulohazalar asosida tegishli qarorlar qabul qilinib, ijroga qaratildi.