Saydobodda aholi murojaatlari tinglandi: Muammolar va yechimlar 

Xalq bilan muloqot qilish, ularning yashash sharoitlarini yaxshilash deputatlik faoliyatining bosh mezonidir.  

Bugun 12-Saydobod saylov okrugi deputati N. Ubaydullayeva hamda Kengash
kotibiyati xodimi L. Iskandarov ishtirokida "Saydobod" MFY hududida
fuqarolarning navbatdagi qabuli bo‘lib o‘tdi. 

Qabul davomida aholi tomonidan quyidagi muhim masalalar ko‘tarildi: 

Ichki yo‘llarni joriy ta’mirlash va aholi harakati uchun qulaylik yaratish; 

Mahalladagi eskirgan simyog‘ochlarni yangilariga almashtirish; 

Qabriston oldida joylashgan "Yoshlar bog‘ini" boshqa qulayroq
joyga ko‘chirish va hududni tartibga keltirish. 

"Har bir murojaat ortida inson taqdiri va mahalla farovonligi
yotibdi." 

Uchrashuv davomida bildirilgan taklif va muammolar yuzasidan tegishli
tashkilotlarga deputatlik so‘rovlari yuboriladigan bo‘ldi. Ba’zi masalalar
bo‘yicha joyida tushuntirishlar berilib, ijro muddatlari belgilab olindi.