#Deputatlik_nazorati #24_ta_tavsiyaviy_savol #Deputat_daftari #poytaxtdeputatlari #deputatlik_faoliyati

❗️“OQ UY” MAHALLASIDA AHOLINI MANZILLI QO‘LLAB-QUVVATLASH MASALALARI MUHOKAMA QILINDI

🏛 Xalq deputatlari Toshkent shahar Kengashi deputati Toshpo‘lat Matibayev ishtirokida 2026-yil 25-sentabr kuni Mirobod tumanidagi “Oq uy” mahallasida aholini ijtimoiy qo‘llab-quvvatlash, yoshlar bandligini ta’minlash hamda xotin-qizlar bilan ishlash masalalariga bag‘ishlangan axborot uchrashuvi o‘tkazildi.

🔺 Uchrashuvda mahallada faoliyat yuritayotgan hokim yordamchisi, yoshlar yetakchisi va xotin-qizlar faoli bilan hududdagi mavjud holat, aholiga, ayniqsa, ijtimoiy himoyaga muhtoj oilalarga ko‘rsatilayotgan ko‘mak hamda bu borada amalga oshirilayotgan ishlar muhokama qilindi.

💼 Xususan, hokim yordamchisi faoliyati, aholi bandligini ta’minlash va oilalarni kambag‘allikdan chiqarish, fuqarolarning mavjud imtiyoz va imkoniyatlardan foydalanishiga ko‘maklashish masalalariga alohida e’tibor qaratildi.

💡 Shuningdek, yoshlar yetakchisi tomonidan amalga oshirilayotgan ishlar, yoshlarni o‘qitish, kasb va mehnatga yo‘naltirish hamda ularning bandligini ta’minlash borasidagi mavjud imkoniyatlar yuzasidan fikr almashildi.

📁 Xotin-qizlarni qo‘llab-quvvatlash, ularning muammolarini manzilli o‘rganish, ehtiyojmand oilalarga zarur ijtimoiy ko‘mak ko‘rsatish ham uchrashuvning asosiy mavzularidan biri bo‘ldi.

🔎 Mazkur uchrashuv mahalliy Kengash deputati faoliyatining eng muhim yo‘nalishlaridan bo‘lgan yoshlar yetakchisi faoliyati va yoshlar bandligi, hokim yordamchilari ishining samaradorligi va kambag‘allikni qisqartirish, xotin-qizlar faoli tomonidan olib borilayotgan ishlar hamda aholi bandligini ta’minlash masalalari bilan uzviy bog‘liq holda olib borildi.

🗣 Toshpo‘lat Matibayev mahalladagi mas’ullar bilan aholini qiynayotgan masalalar va mavjud imkoniyatlar yuzasidan fikr almashib, ijtimoiy ko‘makka muhtoj fuqarolar bilan yanada manzilli ishlash, mavjud imkoniyatlardan samarali foydalanish hamda ko‘rsatilayotgan yordamning natijadorligini oshirish bo‘yicha tavsiyalar bildirdi.

✅ Uchrashuv yakunida aholini ijtimoiy qo‘llab-quvvatlash, yoshlar va xotin-qizlar bilan ishlash, bandlikni ta’minlash hamda ehtiyojmand oilalarga manzilli ko‘mak ko‘rsatish samaradorligini oshirish masalalariga doir fikr va takliflar umumlashtirildi.

📱 Telegram 📱 Instagram 📱 Facebook 📱 YouTube 🔎 E-kengash