#162_ta_Qonun_ijrosi

Mahalliy Kengash deputatlari faoliyatining samaradorligini oshirish, belgilangan 24 ta ustuvor tavsiyalar ijrosini ta’minlash maqsadida Xalq deputatlari Uzun tumani Kengashiga 4-Mehnat saylov okrugidan saylangan deputat M.Mamurjonova o‘zi saylangan saylov okrugidagi «Ittifoq» mahallasida faoliyat yuritayotgan xotin-qizlar faolining ish jarayoni bilan yaqindan tanishdi.

O‘rganish davomida xotin-qizlar faoli tomonidan mahallada xotin-qizlarning ijtimoiy-siyosiy faolligini oshirish, ularning bandligini ta’minlash, kasb-hunarga o‘qitish, og‘ir ijtimoiy ahvoldagi xotin-qizlar bilan manzilli ishlash, shuningdek, oilaviy ajrimlarning oldini olish va ma’naviy-axloqiy muhitni sog‘lomlashtirish borasida amalga oshirilayotgan ishlar ko‘zdan kechirildi.

Shuningdek, mahalla nuroniylari va faol ayollar bilan uchrashuv o‘tkazilib, hududdagi ijtimoiy masalalar, xotin-qizlarni qiynayotgan muammolar hamda ularni qo‘llab-quvvatlash yuzasidan taklif va mulohazalar tinglandi.