⚖️ Qonunlarning joylarda amalda qanday ijro etilayotgani — deputatlik nazoratining muhim yo‘nalishlaridan biridir.
🇺🇿Xalq deputatlari Parkent tuman Kengashiga 15-“Beshkappa” saylov okrugidan saylangan deputat, tuman Kengashi kotibiyati mudiri Berdiqulova Mavluda Tojiddinovna tomonidan Pensiya jamg‘armasining Toshkent viloyati Parkent tumani bo‘limi faoliyati deputatlik nazorati doirasida o‘rganildi.
✅ O‘rganishning asosiy e’tibori O‘zbekiston Respublikasining 1993-yil 3-sentyabrdagi “Fuqarolarning davlat pensiya ta’minoti to‘g‘risida”gi 938-XII-son Qonuni ijrosini ta’minlash masalalariga qaratildi.
📚 Jumladan, mazkur qonun talablarining tumanda ijro etilishi, fuqarolarning pensiya ta’minotiga oid huquqlarini ta’minlash, ularga ko‘rsatilayotgan davlat xizmatlarining sifati va samaradorligi, shuningdek, pensiya tizimida amalga oshirilayotgan islohotlarning amaliy natijalari tahlil qilindi.
✅ Fuqarolarning murojaatlari — deputatlik nazoratining muhim manbalaridan biri. Shu bois o‘rganish jarayonida deputat tomonidan saylovchilar bilan o‘tkazilgan uchrashuvlar, nuroniylar va mahalla faollari bilan bo‘lib o‘tgan muloqotlarda bildirilgan fikr va takliflar ham atroflicha muhokama qilindi.
✅ Fuqarolar tomonidan pensiya ta’minoti bilan bog‘liq masalalarda ko‘tarilayotgan muammolar, murojaatlar hamda aholining eng ko‘p qiziqtirayotgan savollar Pensiya jamg‘armasi Parkent tumani bo‘limi bosh mutaxassisi J. Normatov bilan birgalikda ko‘rib chiqildi.
✅ Ayniqsa, fuqarolarga qonunchilikda belgilangan huquq va imkoniyatlarni tushuntirish, murojaatlarni o‘z vaqtida ko‘rib chiqish hamda aholiga sifatli va qulay xizmat ko‘rsatish masalalariga alohida e’tibor qaratildi.
✅ Deputatlik nazorati — faqat faoliyatni o‘rganish emas, balki qonun talablarining amalda ta’minlanishini ko‘rish, fuqarolar murojaatlarida ko‘tarilayotgan masalalarni aniqlash va ularning qonuniy huquqlarini ta’minlashga ko‘maklashish vositasidir.
✅ Bunday o‘rganishlar orqali davlat organlari faoliyatida qonuniylik va ochiqlikni ta’minlash, aholiga ko‘rsatilayotgan xizmatlar sifatini oshirish hamda fuqarolarning qonuniy manfaatlarini himoya qilishga qaratilgan deputatlik nazorati izchil davom ettiriladi.
⚖️ Qonun ijrosi — huquq va manfaatlar kafolati!