Xalq deputatlari Termiz shahar Kengashi raisi, deputat D.Normuradova hamda Kengash kotibiyati xodimlari ishtirokida navbatdagi ishchi yig‘ilish bo‘lib o‘tdi.

💬Yig‘ilishda dastlab Kengash deputatlarining o‘tgan hafta mobaynida o‘z saylov okruglarida va biriktirilgan tashkilotlarda amalga oshirgan ishlari tanqidiy-tahliliy ruhda ko‘rib chiqildi. Jumladan:

🟢162 ta qonun monitoringi: Oliy Majlis Senati tomonidan belgilangan “Deputat faoliyatining eng muhim 24 ta yo‘nalishi (tavsiyasi)” doirasida deputatlarning o‘z okruglarida jami 162 ta qonun hujjatlarining amaldagi ijrosi yuzasidan o‘tkazgan o‘rganishlari va tahlil natijalari atroflicha muhokama qilindi;

🟢Biriktirilgan tashkilotlar bilan ishlash tizimi: Har bir deputatning o‘ziga biriktirilgan davlat organlari va muassasalarida (maktablar, shifoxonalar, adliya, gaz va SEO idoralari va b.) ochiqlik hamda xizmat ko‘rsatish sifatini o‘rganish darajasi baholandi.

💬Yig‘ilishning ikkinchi qismida Xalq deputatlari Termiz shahar Kengashining navbatdagi sessiyasiga tayyorgarlik ko‘rish masalalari muhokama qilindi.

💬Deputatlar tomonidan joylarda o‘tkazilgan o‘rganishlar davomida aniqlangan eng dolzarb muammolar va sohalardagi kamchiliklar umumlashtirilib, ularni sessiya kun tartibiga kiritish, tegishli qaror loyihalarini qonuniy va puxta tayyorlash yuzasidan kotibiyat mas'ullariga aniq vazifalar belgilab berildi.

💬"Biz deputatlarimizning 24 ta eng muhim yo'nalish doirasidagi 162 ta qonun ijrosi yuzasidan olib borayotgan o'rganishlarini tahlil qildik. Ushbu o'rganishlar qog'ozda hisobot bo'lib qolmasligi, undagi har bir aniqlangan muammo sessiya kun tartibida qat'iy muhokama qilinishi lozim. Saylovchilarimiz xalq vakillarining faoliyatini va qonunlarning kuchini o'z ko'chasida amalda his qilishi kerak," — deya ta'kidladi Kengash raisi, deputat D.Normuradova

🫥Yig‘ilish yakunida deputatlarning saylov okruglaridagi faoliyatini yanada jonlantirish, aholi murojaatlari bo‘yicha ishlash samaradorligini oshirish hamda sessiya jarayonlarini yuqori saviyada tashkil etish yuzasidan aniq choralar belgilandi.