Xalq deputatlari Shovot tumani Kengashi raisi, 3-Katqal’a saylov okrugi deputati Jamolbek Babajanov hamda kotibiyat mudiri Izzat Masharipov Tuproqqal’a mahallasi aholisi bilan uchrashuv o‘tkazdilar.
Uchrashuv davomida tuman Kengashi raisi Jamolbek Babajanov tomonidan tumanda amalga oshirilayotgan keng ko‘lamli islohotlar, hududlarni obodonlashtirish va infratuzilmani yaxshilash borasidagi ishlar haqida batafsil ma’lumot berildi.
Alohida ta’kidlanganidek, bugungi kunda Tuproqqal’a mahallasida olib borilayotgan obodonlashtirish ishlari mahallaning ko‘plab infratuzilmaviy muammolariga yechim bo‘lmoqda. Shuningdek, Xalq deputatlari Shovot tumani Kengashining tegishli qarori asosida mahalladagi eskirgan elektr tarmoqlarini zamonaviy SIP kabellarga almashtirish uchun mablag‘ ajratilgani qayd etildi. Mazkur loyiha elektr ta’minoti sifatini yaxshilash, elektr uzilishlarini kamaytirish hamda aholi uchun yanada qulay va xavfsiz sharoit yaratishga xizmat qiladi.
Uchrashuv yakunida fuqarolarning murojaat va takliflari tinglanib, ularni hal etish yuzasidan tegishli mutasaddilarga zarur topshiriqlar berildi. Shuningdek, o‘rganish davomida aniqlangan va mahalliy darajada hal etilishi imkoniyati cheklangan masalalar yuzasidan yuqori turuvchi tashkilotlarga Xalq deputatlari Shovot tumani Kengashi deputatlarining deputatlik so‘rovlari kiritilishi belgilandi.
Bunday ochiq muloqotlar aholi bilan samarali hamkorlikni mustahkamlash, hududlardagi dolzarb muammolarni o‘z vaqtida aniqlash hamda ularning yechimini ta’minlashda muhim ahamiyat kasb etadi.