#Sessiya_kun_tartibidagi_masala_organish
#Kotibiyat_xodimi_faoliyati
#24_ta_masala

"Qishloqozon" mahallasida xotin-qizlar bilan ishlash tizimi o‘rganildi

Xalq deputatlari Qiziriq tumani Kengashi kotibiyati bosh mutaxassisi A.Mamarajabov tuman Kengashiga 14-Qishloqozon saylov okrugidan saylangan deputat J.Xudoyqulova hududidagi "Qishloqozon" mahallasida o‘rganish olib bordi.

O‘rganish davomida tuman Kengashining navbatdagi sessiyasi kun tartibiga kiritilgan xotin-qizlarni qo‘llab-quvvatlash, ularga tadbirkorlik faoliyatini amalga oshirishga ko‘maklashish, shuningdek, xotin-qizlarning huquqlari va qonuniy manfaatlarini himoya qilish borasida amalga oshirilayotgan ishlar to‘g‘risidagi masala yuzasidan mahalladagi xotin-qizlar faoli faoliyati bilan tanishildi. Jarayonda xotin-qizlarning bandligini ta’minlash, tadbirkorlikka jalb etish, ijtimoiy himoyaga muhtoj xotin-qizlarni qo‘llab-quvvatlash hamda murojaatlar bilan ishlash holati tahlil qilindi.

Shuningdek, mahalla raisi bilan hududdagi ijtimoiy-iqtisodiy holat, aholini qiynayotgan dolzarb muammolarni aniqlash va ularni hal etish yuzasidan amalga oshirilayotgan ishlar muhokama qilinib, mavjud masalalarni tegishli tashkilotlar bilan hamkorlikda bartaraf etish bo‘yicha o‘zaro fikr almashildi.

O‘rganish yakunida aniqlangan holatlar yuzasidan tegishli tavsiya va takliflar ishlab chiqilib, belgilangan vazifalar ijrosini samarali tashkil etish yuzasidan mas'ullarga tavsiyalar berildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram