#deputatlar_nazorati #poytaxtdeputatlari #deputatlik_faoliyati  

❗️Yoshlar salomatligi va ongli tanlov – kelajak poydevori

🏛 Xalq deputatlari Toshkent shahar Kengashi deputati Vasila Alimova tashabbusi bilan Butunjahon sog‘liqni saqlash kuni munosabati bilan Toshkent to‘qimachilik va yengil sanoat instituti qoshidagi akademik litseyda “Sog‘lom hayot, ongli tanlov va yoshlar kelajagi” mavzusida davra suhbati tashkil etildi. Tadbir Respublika bolalar ijtimoiy moslashuv markazi, O‘zbekiston Ekologik partiyasi Markaziy Kengashi Ijroiya qo‘mitasi hamda “Ekologiya va salomatlik” ayollar klubi hamkorligida o‘tkazilib, unda yoshlar faol ishtirok etdi.

📝 Davra suhbati davomida yoshlar o‘rtasida sog‘lom turmush tarzini shakllantirish, ongli qaror qabul qilish ko‘nikmalarini rivojlantirish, erta nikohning salbiy oqibatlari, shuningdek bolalar huquqlarini himoya qilish masalalari atroflicha muhokama qilindi. Shu bilan birga, Mahalliy Kengash deputati faoliyatining eng muhim 24 ta yo‘nalishi doirasida yoshlar bandligi, sog‘lom turmush tarzini targ‘ib qilish, ijtimoiy himoya va ta’lim sifatiga oid masalalar ham muhim yo‘nalish sifatida qayd etildi.

🔎 Tadbir jarayonida yoshlar tomonidan berilgan savollarga mutaxassislar tomonidan batafsil javoblar berilib, ularning fikr va takliflari tinglandi. Ayniqsa, yoshlarning ongli tanlov qilish madaniyatini shakllantirish va o‘z kelajagiga mas’uliyat bilan yondashish zarurligi alohida ta’kidlandi.

🤝 Yakunda sog‘lom hayot tarzini tanlash, zararli odatlardan yiroq bo‘lish, o‘z ustida ishlash va jamiyatda faol bo‘lish yoshlar kelajagi uchun muhim omil ekani yana bir bor e’tirof etildi.

📱 Telegram (https://t.me//poytaxt_deputatlari) 📱 Instagram (https://www.instagram.com/poytaxt_deputatlari) 📱 Facebook (https://www.facebook.com/poytaxtdeputatlari) 📱 YouTube (https://www.youtube.com/@poytaxtdeputatlari) 🔎 E-kengash (https://kengash.gov.uz/news?region_id=14&authority_id=424)