Maktablarda ma’naviy muhit va xavfsizlik — deputatlar e’tiborida

Xalq deputatlari Termiz tuman Kengashi raisi S.Nazarov, kotibiyat mudiri A.Avliyakulov hamda deputat R.Shamanov ishtirokida tumandagi 10-sonli umumta’lim maktabida profilaktik tadbir o‘tkazildi.

Ushbu uchrashuv Xalq deputatlari tuman Kengashining 2026-yil boshida tasdiqlangan ish rejasiga muvofiq, maktablarda turli nohush holatlarning oldini olish va ta’lim sifatini nazorat qilish maqsadida tashkil etildi.

Muloqot davomida asosiy urg‘u quyidagilarga qaratildi:

O‘quvchilar o‘rtasida tartib-intizom: Huquqbuzarlik va yod g‘oyalar ta’siriga tushib qolishning oldini olish bo‘yicha tushuntirish ishlari olib borildi.

Ota-ona, maktab va mahalla hamkorligi: Farzandlar tarbiyasida jamoatchilik nazoratini kuchaytirish masalalari muhokama qilindi.

Ustozlar mas’uliyati: Pedagoglarning o‘quvchilar bilan ishlash jarayonidagi psixologik yondashuvlari va ma’naviy muhit barqarorligi ko‘zdan kechirildi.

"Maktab — faqat bilim maskani emas, balki xavfsiz va sog‘lom tarbiya o‘chog‘i bo‘lishi shart. Har bir noxush holatning oldini olish bugungi kunda barchamizning asosiy vazifamizdir", — deb ta’kidladi Kengash raisi S.Nazarov.

Tadbir yakunida o‘quvchilarning takliflari tinglanib, ta’lim dargohidagi sharoitlarni yanada yaxshilash bo‘yicha mas’ullarga tegishli tavsiyalar berildi.

Eslatib o‘tamiz: Tasdiqlangan ish rejasiga muvofiq, hududlardagi o‘rganish ishlari deputatlar tomonidan har bir mahallada bosqichma-bosqich davom ettirilmoqda.