Navbatdagi murojaat Al Farg‘oniy ko‘chasida istiqomat qiluvchi aholi tomonidan ichimlik suvi ta’minotidagi avariya holati yuzasidan yo‘llandi. Mazkur murojaat asosida shahar Kengashi deputati M.Abdurahmonova, kotibiyat mudiri A.Ermatov hamda mahalla raisi ishtirokida hududga chiqib, muammo joyida o‘rganildi.

O‘rganish jarayonida ichimlik suvi tarmog‘ida yuzaga kelgan nosozliklar aniqlanib, ushbu holat aholi uchun qator noqulayliklar tug‘dirayotgani qayd etildi.

Shuningdek, masala yuzasidan “Farg‘ona suv ta’minoti” AJning Marg‘ilon shahar bo‘limi bilan hamkorlikda ish olib borilib, mavjud muammoni bartaraf etish bo‘yicha aniq choralar kelishib olindi. Hozirda ushbu yo‘nalishda tegishli ishlar tashkil etilib, ichimlik suvi ta’minotidagi nosozlikni qisqa muddatlarda to‘liq bartaraf etish choralariga kirishildi.