Xalq deputatlari Angor tuman Kengashi 19-Farovon saylov okrugi deputati Mamatmirzayeva Raxima, tuman Kengashi kotibiyati mudiri Raximqulov Jamshid birgalikda “Qorabog‘” mahallasida yettilik faoliyati o‘rganildi. Mazkur o‘rganish jarayonlari O‘zbekiston Respublikasi Prezidentining PF-209-sonli Farmoni ijrosi doirasida amalga oshirildi. O‘rganish jarayonida mahalla raisi tomonidan hududda amalga oshirilayotgan ishlar, aholi muammolarini hal etish, ijtimoiy-iqtisodiy loyihalarni bajarish hamda fuqarolar bilan olib borilayotgan amaliy ishlar yuzasidan batafsil ma’lumot berildi.Shuningdek, mahalla yettiligi tarkibidagi mas’ullar — yoshlar yetakchisi, xotin-qizlar faoli, hamda ijtimoiy xodim, o‘z yo‘nalishlari bo‘yicha amalga oshirilgan ishlar, yuzasidan hisobot berdilar. O‘rganish davomida mahallada olib borilayotgan ishlar holati tahlil qilinib, aholi murojaatlari bilan ishlash samaradorligini oshirish, ijtimoiy himoyaga muhtoj oilalar bilan manzilli ishlash hamda mahalla infratuzilmasini yanada rivojlantirish bo‘yicha tegishli tavsiyalar berildi.Mazkur o‘rganish ishlari mahalla tizimi faoliyatini yanada takomillashtirishga va aholi muammolarini o‘z vaqtida hal etishga xizmat qiladi