12-Saidobod saylov okrugi bo‘yicha Xalq demokratik
partiyasi (XDP) deputatlik guruhi a’zosi N.Ubaydullayeva hududiga qarashli
“Saidobod” MFYda kotibiyat bosh mutaxassisi G.Xudoyqulova tomonidan o‘rganish
o‘tkazildi.

O‘rganish jarayonida mahalla ichki ko‘chalarining
holati, tungi yoritish tizimi, yo‘llardagi tirbandliklar hamda yo‘l-transport
hodisalarining oldini olish bo‘yicha ko‘rilayotgan choralar yuzasidan mahalla
raisi bilan suhbatlashildi.

Suhbat jarayonida quyidagilar ma’lum bo‘ldi:

· Mahalladagi ichki ko‘chalarni asfalt qilish ishlari
yakunlanish arafasida bo‘lib, hozirda asfalt qilinadigan juda kam qism qolgan.

· Hududdagi eskirgan simyog‘ochlarni yangisiga
almashtirish masalasi dolzarb bo‘lib turibdi.

· Mazkur muammolarni bartaraf etish maqsadida, aholi
bilan hamjihatlikda navbatdagi “Open Budjet” (Tashabbusli budjet) jarayonlariga
loyiha kiritish va amalga oshirish rejalashtirilmoqda.

Nazorat: Hududdagi yo‘l xavfsizligini ta’minlash va
infratuzilmani yaxshilash borasidagi ushbu rejalarning amalga oshirilishi
deputat va mutaxassislar tomonidan kuzatib borilmoqda.