Xalq deputatlari tuman kengashi deputati K.Mamanova Suvonobod mahallasida bo‘lib, hududda pillachilikni rivojlantirish hamda aholi bandligini ta’minlash borasidagi ishlar bilan yaqindan tanishdi.

Tashrif davomida xonadonlarda ipak qurti parvarishi, yaratilgan shart-sharoitlar va pilla yetishtirish jarayonlari ko‘zdan kechirildi. Ayniqsa, ijtimoiy himoyaga muhtoj fuqarolarni mavsumiy ish bilan ta’minlash masalalari deputat e’tibor markazida bo‘ldi.

O‘rganishlar jarayonida mas’ullarga sohani yanada rivojlantirish, ish samaradorligini oshirish hamda aholining daromad manbalarini kengaytirish yuzasidan amaliy tavsiyalar berildi.

Asosiy maqsad — pillachilikni qo‘llab-quvvatlash orqali xonadonlarda barqaror daromadni ta’minlash, bandlikni oshirish va aholining turmush darajasini yuksaltirishdir.