Xalq deputatlari Angor tumani Kengashi deputati tomonidan hududdagi To‘lqin mahallasida joylashgan 26-sonli maktabgacha ta’lim tashkilotida nazorat tadbiri o‘tkazildi O‘rganish jarayonida mazkur 100 o‘rinli bolalar bog‘chasining faoliyati atroflicha tahlil qilinib, tarbiyalanuvchilar uchun yaratilgan sharoitlar,yotoq joylari xususan, 4 ta guruh kesimida olib borilayotgan ta’lim-tarbiya ishlari ko‘zdan kechirildi. Shuningdek, muassasadagi oziq-ovqat mahsulotlarining sifati, saqlanish holati va gigiyenik talablar asosida tashkil etilishi deputat tomonidan alohida e’tibor bilan o‘rganildi. Nazorat tadbiri davomida aniqlangan ayrim kamchiliklar yuzasidan mas’ullarga tegishli tavsiya va ko‘rsatmalar berilib, faoliyatni yanada takomillashtirish bo‘yicha amaliy maslahatlar bildirildi.