#3_avlod_uchrashuvi #deputatlik_faoliyati #ochiq_muloqot

Uch avlod uchrashuvi – tajriba va kelajak muloqoti

Xalq deputatlari Andijon shahar Kengashi deputatlari U.Shokirov va M.Buvabekov hamda mutasaddi tashkilot vakillari ishtirokida Andijon shahar Abu Ali ibn Sino nomidagi jamoat salomatligi texnikumida “Uch avlod uchrashuvi” tashkil etildi.

Uchrashuv davomida yoshlarga yaratilayotgan imkoniyatlar, ularning tashabbus va g‘oyalarini qo‘llab-quvvatlash masalalari yuzasidan ochiq muloqot bo‘lib o‘tdi. Yoshlarning murojaatlari tinglanib, ularning taklif va fikrlariga alohida e’tibor qaratildi.

Tadbir yakunida texnikum kutubxonasini boyitish hamda o‘quvchi yoshlarni kitob mutolaasiga yanada jalb etish maqsadida deputatlar tomonidan esdalik kitoblari sovg‘a qilindi.

Bunday uchrashuvlar yoshlar bilan ochiq muloqotni mustahkamlash, ularning fikr va tashabbuslarini qo‘llab-quvvatlashda muhim ahamiyat kasb etadi. 📚✨