Bugun mamlakatimizda fuqarolarning tashabbuslarini qo‘llab-quvvatlash va mahallalardagi muammolarni manzilli hal etish tizimi yangi bosqichga chiqdi. Buning yaqqol ifodasini Angor tumanida amalga oshirilayotgan xayrli ishlar misolida ko‘rish mumkin.2025-yil 10-sentabr kuni Xalq deputatlari Angor tumani Kengashining VII-14-110-8-109-K/25-sonli qarori qabul qilingandi. Ushbu hujjat bilan 2025-yilning 2-mavsumida "Ochiq budjet" axborot portalida eng ko‘p ovoz to‘plab, g‘olib deb topilgan loyihalarning manzilli ro‘yxati tasdiqlangandi.   

 Mazkur qarorga muvofiq, "Guliston" mahallasi hududidan tuman markaziga kirib keluvchi yo‘lda tuman fasadini o‘rnatish, obodonlashtirish va ko‘kalamzorlashtirish ishlari uchun 1 500 000 000 (bir yarim milliard) so‘m mablag‘ ajratilgan.Bugun ushbu loyihaning ijro etilish jarayoni va qurilish ishlarining sifatini o‘rganish maqsadida Xalq deputatlari Angor tumani Kengashining 1-Guliston saylov okrugi deputati Isoxon Bahromov hududda bo‘ldi. Qurilish ishlarining tasdiqlangan loyiha-smeta hujjatlariga muvofiqligi o'rganildi.Ishlarning sifati va belgilangan muddatda yakunlanishi choralari ko'rilmoqdi.

Ajratilgan mablag‘larning maqsadli va samarali sarflanishi deputat tomonidan ko‘zdan kechirildi."Bu loyiha nafaqat hududning ko‘rki, balki aholimiz uchun yaratilayotgan qulaylik va farovonlik ramzidir. Xalqning ovozi bilan g‘olib bo‘lgan har bir so‘m o‘z o‘rnida ishlatilishi shart" — deb ta'kidlandi o'rganish davomida.

Eslatib o‘tamiz, ushbu ishlar O‘zbekiston Respublikasiyasi Prezidentining PQ-5072-sonli hamda Oliy Majlis Senatining KQ-666-IV-sonli qarorlari bilan tasdiqlangan "Tashabbusli budjet jarayonlarini o‘tkazish hamda moliyalashtirish tartibi to‘g‘risida"gi Nizom talablari asosida amalga oshirilmoqda.Bu kabi islohotlar tumanimiz qiyofasini tubdan o‘zgartirishga va aholining yashash sharoitlarini yaxshilashga xizmat qiladi.