Ayni damda Oʻzbekiston Respublikasi Oliy Majlisining Inson huquqlari boʻyicha vakilining (ombudsmanning) Andijon viloyatidagi mintaqaviy vakili G.A.Abduvohidovaning 2023-yildagi faoliyati toʻgʻrisidagi
maʼruzasi oʻqib eshittirilmoqda.

2023-yil davomida Ombudsmanning Andijon viloyati mintaqaviy vakili nomiga Oʻzbekiston Respublikasi fuqarolari, xorijiy davlatlar fuqarolari va fuqaroligi boʻlmagan shaxslar tomonidan 304 ta murojaat kelib tushgan (2022-yilga nisbatan 5,0 foizga oshgan) boʻlib, 62,9 foizi xotin-qizlar va 37,1 foizi erkaklar hisoblanadi.

Shuningdek, oʻtgan yil davomida kelib tushgan murojaatlarning 279 tasi koʻrib chiqilgan.

Fuqarolardan yoʻllangan
murojaatlar hududlar kesimida tahlil qilinganda, ularning eng koʻpi Andijon shahar, Asaka va Izboskan tumanlariga toʻgʻri kelgan.
Ularning 73 tasi ijtimoiy huquq yoʻnalishidagi, 57 tasi iqtisodiy huquq yoʻnalishidagi, 174 tasi shaxsiy huquq va erkinliklar yoʻnalishini tashkil etgan.