O‘zLiDeP Mirobod tuman Kengashi va xalq deputatlari tuman Kengashi deputatlari, partiya faollaridan tarkib topgan ishchi guruh tomonidan “O‘zbekiston – 2030” Strategiyasini 1-3-maqsadlar ijrosi yuzasidan jamoatchilik nazorati bo‘yicha uchrashuv tashkil qilindi. Ushbu tadbirda Xalq deputatlari Mirobod tuman Kengashi 28-Yangi Qo'yliq okrug deputati Sevara Rizayeva, O‘zLiDeP Mirobod tuman Kengashi raisining birinchi o‘rinbosari-apparat rahbari Feruza Murodxodjayeva va ishchi guruh aʼzolari ishtirok etishdi. Ishchi guruh tumandagi 183-sonli maktabgacha taʼlim muassasasida yaratilgan shart sharoitlar, o‘qitish sifati jamoatchilik nazorati tartibida o‘rganildi. Jumladan, muassasada 360 nafar bolalar uchun mo‘ljallangan bo‘lib xozirda 355 nafar mavjud. Ingliz tili, metodist, defektolog yo‘nalishdagi xodimlar soni 42 nafar,
shulardan 20 nafari pedagog. Ishchi guruh tomonidan o‘tkazilgan jamoatchilik nazorati yakuni yuzasidan o‘rganishlar natijasi muhokamasi bo‘lib o‘tdi. Aniqlangan muammo va kamchiliklarni bartaraf etish yuzasidan chora-tadbirlar belgilandi. 

Shuningdek, ishchi guruh 125-sonli maktabda yaratilgan shart sharoitlar, o‘qitish sifati jamoatchilik nazorati tartibida o‘rganildi. Jumladan, maktabda o‘quvchilar soni 1650 nafar bo‘lib shundan 1047 nafari 1-smenada, qolgan 603 nafari 2-smenaga bo‘lib o‘qitiladi. Maktab kapital remont qilingan. 108 nafar xodim mavjud. Shuningdek, maktab 10 dona tikuv mashinasi hamda 12 dona stanok bilan taminlangan. Sinf xonalarda kullerlar mavjud. Ishchi guruh tomonidan o‘tkazilgan jamoatchilik nazorati yakuni yuzasidan o‘rganishlar natijasi muhokamasi bo‘lib o‘tdi. Aniqlangan muammo va kamchiliklarni bartaraf etish
yuzasidan chora-tadbirlar belgilandi.