Tinchlik va osoyishtalikni ta’minlash, huquqbuzarliklarning barvaqt oldini olish hamda mahallalarda jinoyatchilikning oldini olish borasidagi ishlar deputatlik nazoratida.

Xalq deputatlari Termiz shahar Kengashi raisi, 9-“Abdulla Avloniy” saylov okrugi deputati D.Normuradova o'z saylov okrugiga qarashli “Turon” mahallasida bo‘lib, hududdagi profilaktika inspektori — uchastka noziri faoliyatini o‘rgandi.

O‘rganish davomida uchastka noziri tomonidan mahallada jamoat xavfsizligini ta’minlash, huquqbuzarliklarning oldini olish, profilaktik hisobda turuvchi fuqarolar bilan ishlash, oilaviy-maishiy muammolarni barvaqt aniqlash hamda aholi murojaatlari bilan ishlash borasida amalga oshirilayotgan ishlar tahlil qilindi.

Shuningdek, hududdagi kriminogen vaziyat, huquqbuzarlik sodir etishga moyil shaxslar bilan profilaktik ishlarning tashkil etilishi va mahalla yettiligi bilan hamkorlikning samaradorligiga alohida e’tibor qaratildi.

📌 Mazkur o‘rganish O‘zbekiston Respublikasining O‘RQ-371-sonli Qonuni ijrosi hamda shaharda jinoyatchilik va huquqbuzarliklar profilaktikasining samaradorligi yuzasidan shahar Kengashining navbatdagi sessiyasi kun tartibiga kiritilgan masala doirasida amalga oshirildi.

🔎 Joylardagi o‘rganishlar orqali mavjud muammolarni aniqlash, ularning sabablarini tahlil qilish va tegishli mas’ullar oldiga aniq vazifalar qo‘yish deputatlik nazoratining muhim yo‘nalishlaridan biridir.