Xalq deputatlari Zarbdor tuman Kengashining 14-Yangikent saylov okrugidan saylangan deputati F.Sarimsakov tomonidan joriy yilning 23-may kuni Yangikent MFY Do‘stlik ko‘chasidagi ko‘p qavatli uylar atrofini obodonlashtirish hamda bolalar maydonchasi holatini yaxshilash masalasida deputatlik so‘rovi yuborilgan edi.
Mazkur murojaat yuzasidan «KUXINUR SITI-SSS» MCHJ BSK tomonidan quyidagi ishlar amalga oshirildi va chora-tadbirlar belgilandi:
Sanitariya va obodonlashtirish ishlari: Hududda joyiga chiqqan holda o‘rganish o‘tkazilib, ko‘p qavatli uylar atrofi va unga tutash maydonlar turli o‘tlardan tozalandi. Sanitariya holati yaxshilanib, tartibga keltirildi.
Yangi bolalar maydonchasi qurilishi: Hududdagi mavjud bolalar maydonchasi qurilmalari eskirganligi sababli, O‘zbekiston Respublikasi Prezidentining 2026-yil 5-fevraldagi PQ-48-sonli qarori hamda Xalq deputatlari Zarbdor tuman Kengashining 2026-yil 30-apreldagi VII-26-70-3-49-K/26-son qarori bilan tasdiqlangan manzilli dasturga asosan, Yangikent MFY hududida 2026-yil davomida qiymati 350 mln so‘m bo‘lgan yangi bolalar maydonchasini qurish belgilangan.
Piyodalar yo‘laklari: Dastur doirasida mazkur hududdagi ko‘p qavatli uylar atroflarida piyodalar yo‘laklarini betonlash ishlari ham amalga oshirilishi kiritilgan.