Bugun Xalq deputatlari Zarbdor tuman Kengashining Mahalliy budjet, tadbirkorlikni rivojlantirish va iqtisodiy islohotlar masalalari bo‘yicha doimiy komissiyasining navbatdagi yig‘ilishi o‘tkazildi.
Yig‘ilishda komissiya a’zolari, tuman Kengashi kotibiyati mas’ullari hamda kun tartibidagi masalalarga daxldor bo‘lgan tegishli soha va tashkilot rahbarlari ishtirok etishdi.

Kun tartibida quyidagi muhim masalalar atroflicha ko‘rib chiqildi va muhokama qilindi:
Chiqindi va obodonlashtirish tariflari: Zarbdor tuman Obodonlashtirish boshqarmasi tomonidan tuman markaziy ko‘chalari bo‘yidagi yuridik shaxslar va yakka tartibdagi tadbirkorlar bilan tuzilgan shartnoma asosida qattiq maishiy chiqindilarini olib chiqish va hududlarni obodonlashtirish xizmatini ko‘rsatish bo‘yicha to‘lov tariflarini tasdiqlash to‘g‘risida;

Ichki yo‘llar ta’miri: Zarbdor tuman Obodonlashtirish boshqarmasi tasarrufidagi ichki yo‘llarni saqlash va joriy ta’mirlash ishlari bo‘yicha 2026-yil uchun “Manzilli ro‘yxati”ga o‘zgartirish kiritish toʻgʻrisida;

Infratuzilmaviy muammolarni hal etish: Tumanda aholining hayot kechirishiga salbiy ta’sir ko‘rsatayotgan ijtimoiy-iqtisodiy, tashkiliy-amaliy va infratuzilmaviy muammolarni bartaraf etishga qaratilgan chora-tadbirlarga mablag‘ ajratish toʻgʻrisida;

Budjet mablag‘larini yo‘naltirish: Zarbdor tumani mahalliy budjetining qoʻshimcha manbalari hisobidan mablagʻlarni tegishli sohalarga yoʻnaltirish toʻgʻrisida.
Yig‘ilish davomida deputatlar tomonidan kun tartibidagi har bir masala bo‘yicha mas’ullarning hisobot va tushuntirishlari tinglandi. Aholi farovonligi va tuman infratuzilmasini yaxshilashga xizmat qiluvchi ushbu chora-tadbirlarni tizimli amalga oshirish yuzasidan aniq vazifalar belgilandi.
Ko‘rilgan barcha masalalar yuzasidan doimiy komissiyaning tegishli qarorlari qabul qilindi.