1-iyun — Xalqaro bolalarni himoya qilish kuni munosabati bilan “Bor mehrimiz senga, bolajon” shiori ostida tuman deputati D.Rustamova tashabbusi bilan bolalar uchun bepul tibbiy ko‘rik tadbiri tashkil etildi.

Tadbir doirasida malakali tibbiyot xodimlari tomonidan bolalar chuqurlashtirilgan tibbiy ko‘rikdan o‘tkazilib, ularning salomatlik holati o‘rganildi. Xususan, qalqonsimon bez kasalliklari (endemik buqoq) va boshqa kasalliklarning oldini olish, ularni erta aniqlash hamda sog‘lom turmush tarzini targ‘ib etishga alohida e’tibor qaratildi.

Shuningdek, tadbir davomida bolalarga yod preparatlari hamda boshqa zarur dori-darmon vositalari bepul tarqatildi.

Mazkur xayriya tadbiri bolalarning salomatligini mustahkamlash, ular o‘rtasida kasalliklar profilaktikasini kuchaytirish hamda yosh avlodga g‘amxo‘rlik ko‘rsatish maqsadida tashkil etildi. Tadbir ishtirokchilari va ota-onalar tomonidan ushbu tashabbus mamnuniyat bilan kutib olindi.