Xalıq deputatları Bozataw rayonlıq Keńesi deputatları A.Ibragimov hám A.Jangabaeva tárepinen óz saylaw okrugi aymaǵında "Insan" sociallıq xızmetler oray qánigesi menen birgelikte jasap atırǵan kem támiyinlengen shańaraqlardıń turmıs jaǵdayın úyreniw maqsetinde úyma-úy júrip kóriw isleri alıp barıldı.

Úyreniw dawamında jalǵız baslı kekse nuranıy Zibash Bazarımbetova shańaraǵında bolıp sáwbetlesildi, kekse nuranıyımızdıń materiallıq jaǵdayı hám kúndelikli turmısta ushırasıp atırǵan mashqalaları úyrenildi. Sonıń menen birge, mámleket tárepinen berilip atırǵan jeńillikler, sociallıq járdemler hám qollap-quwatlaw ilajlarınan paydalanıw dárejesi de kózden ótkerildi.

Úyreniw nátiyjesinde anıqlanǵan máseleler boyınsha tiyisli mákeme hám shólkemlerge usınıslar berilip, kekse nuranıyımızdı qollap-quwatlaw hám olardı qiynaǵan mashqalalardı sheshiw boyınsha ámeliy ilajlar belgilenildi.
Deputat tárepinen puqaralardıń turmıs sapasın jaqsılaw, ásirese sociallıq qorǵawǵa múqtáj shańaraqlardı qollap-quwatlaw hár dayım baslı wazıypalardıń biri ekenligi atap ótildi.