Olmazor tumanidagi shifoxonada davolanayotgan bolajonlarga bayram quvonchi ulashildi

🎉 👧🏻👦🏻 1-iyun – Xalqaro bolalarni himoya qilish kuni munosabati bilan xalq deputatlari Olmazor tumani Kengashi deputati, Toshkent Pediatriya tibbiyot instituti kafedra mudiri Axmedova Dilorom Ilhamovna tashabbusi bilan Toshkent davlat tibbiyot universitetining bolalar ko‘p tarmoqli tibbiyot klinikasida bayram tadbiri tashkil etildi. Tadbirda tibbiyot hodimlari ham faol ishtirok etib, bolajonlarga quvonch va ko‘tarinki kayfiyat ulashdilar.

🏥 Tibbiyot markazining barcha bo‘limlarida davolanayotgan bolalarga mehr, e’tibor va iliqlik baxsh etildi. Shuningdek, har bir bemor bolajon uchun maxsus sovg‘alar topshirildi. Bu kabi e’tibor va g‘amxo‘rlik kichkintoylarimizning kayfiyatini ko‘tarib, ularning tezroq sog‘ayib ketishlariga oz bo‘lsa-da ijobiy turtki bo‘lib xizmat qiladi.

🌈 Bolajonlarimizning beg’ubor tabassumi, porlagan ko’zlari va shodon kulgulari xonadonimizga cheksiz quvonch olib keladi. Ularning porloq kelajagi, sihat-salomatligi va baxtiyor ulg’ayishlari uchun barchamiz mas’ulmiz. Har bir bola doimo sog’lom, himoyalangan va baxtli bo’lsin!