Xalq deputatlari Boyovut tumani Kengashi 4-Farhod saylov okrugi deputati A.Bo‘tayev tomonidan “Navro‘z” mahallasida “mahalla yettiligi” hamda saylovchilar ishtirokida uchrashuv tashkil etildi.

Uchrashuv davomida saylovchilar bilan ochiq fikr almashilib, mahalladagi mavjud muammolar, amalga oshirilayotgan ishlar va kelgusidagi ustuvor vazifalar yuzasidan atroflicha suhbat olib borildi.

Muloqot jarayonida saylovchilar tomonidan mahallaning ichki yo‘llari holati, ayniqsa yog‘ingarchilik kunlarida harakatlanish qiyinlashib, fuqarolar uchun noqulayliklar tug‘dirayotgani ta’kidlandi.

Mazkur masala yuzasidan deputat tomonidan “Navro‘z” mahallasining ichki yo‘llarini bosqichma-bosqich tartibga keltirish, ularni tekislash ishlari amalga oshirilayotgani hamda yaqin kunlarda asfaltlashtirish ishlari boshlanishi rejalashtirilganligi ma’lum qilindi.

Uchrashuv yakunida fuqarolarning murojaat va takliflari tinglanib, ularning yechimi yuzasidan tegishli tashkilotlar bilan hamkorlikda amaliy choralar ko‘rish bo‘yicha vazifalar belgilab olindi.