Xalq deputatlari Qo‘qon shahar Kengashi deputati M.Axmedova tomonidan o'z saylov okrugi hududida joylashgan «Qushchinor» mahalla fuqarolar yig‘inida yoshlar bilan ishlash tizimi doirasida amalga oshirilayotgan ishlar natijalari bilan yaqindan tanishish uchun yoshlar yetakchisi M.Mahmudova va Kengash kotibiyati bosh mutaxassisi A.Adhamov bilan birga joyiga chiqgan holda o'rganish ishlarini olib borishdi.

Jumladan, mahalla yoshlaridan Isroilov Abduvohidga tadbirkorlik faoliyatini yo‘lga qo‘yish uchun 30 million so‘m kredit ajratilgan. Bugungi kunda u tikuvchilik sexi tashkil etib, 20 nafar fuqaroni doimiy ish bilan ta’minlashga erishgan.

Shuningdek, Ismoilova Maryam vaucher asosida tikuvchilik kasbini o‘rganib, hozirda Qo‘qon universitetining kompyuter texnologiyalari yo‘nalishida bepul tahsil olmoqda.

Bu kabi natijalar mahallalarda yoshlarni qo‘llab-quvvatlash, ularni kasb-hunarga o‘rgatish va bandligini ta’minlash bo‘yicha olib borilayotgan tizimli ishlarning amaliy samarasidir.

Yoshlarning bilim olishi, kasb egallashi va tadbirkorlik faoliyatini boshlashi uchun yaratilayotgan imkoniyatlar bundan buyon ham kengaytirib boriladi.

Xalq deputatlari Qo‘qon shahar Kengashi