Xalq deputatlari Qo‘qon shahar Kengashi deputati M.Axmedova hamda Kengash kotibiyati mudiri A.Nosirov tomonidan 8-«Qushchinor» saylov okrugiga qarashli «Qushchinor» mahalla fuqarolar yig‘inida navbatdagi sayyor qabul o‘tkazildi.

Qabul davomida fuqarolarning murojaatlari tinglanib, ularning muammo va takliflari atroflicha o‘rganildi.

Jumladan, T.Urazboy ko‘chasi 21-uyda yashovchi N.Qosimova bolalar nafaqasi tayinlash masalasida murojaat qildi. O‘rganish natijasida oila ijtimoiy himoya tizimiga kiritilgani va bolalar nafaqasi tayinlanishi masalasi ijobiy hal etilgani ma’lum qilindi.

Uchrashuv davomida fuqarolar bilan ochiq muloqot o‘tkazilib, ko‘tarilgan masalalarni qonuniy asosda hal etish yuzasidan tegishli tavsiyalar berildi.

Aholi murojaatlarini o‘z vaqtida ko‘rib chiqish va ularga amaliy yordam ko‘rsatish bo‘yicha ishlar davom ettirilmoqda.

Xalq deputatlari Qo‘qon shahar Kengashi