1 iyun — Xalqaro bolalarni himoya qilish kuni munosabati bilan Xalq deputatlari tuman Kengashi deputati U.Achilov To‘rttol mahallasida istiqomat qiluvchi nogironligi bo‘lgan bolalar holidan xabar olib, ular uchun xayriya tadbirini tashkil etdi. Tadbir doirasida deputat tomonidan o‘z mablag‘lari hisobidan mahallada yashovchi 9 nafar nogironligi bo‘lgan bolalarga turli sovg‘alar va o‘yinchoqlar topshirildi. Bolalar va ularning ota-onalari bilan samimiy muloqot o‘tkazilib, ularning kundalik hayoti, ta’lim olishi va mavjud ehtiyojlari haqida suhbatlashildi. Bolalarga topshirilgan sovg‘alar ularning bayramona kayfiyatini ko‘tarib, yuzlarida quvonch va tabassum uyg‘otdi. Ota-onalar esa farzandlariga ko‘rsatilayotgan e’tibor va g‘amxo‘rlik uchun minnatdorlik
bildirdilar. Mazkur xayriya tadbiri Xalqaro bolalarni himoya qilish kuni munosabati bilan tashkil etilgan bo‘lib, bolalarga mehr va e’tibor ko‘rsatish, ularni qo‘llab-quvvatlash hamda jamiyatda inson qadrini ulug‘lashga qaratilgan ezgu ishlardan biri bo‘ldi.