Oʻzbekiston “Adolat” sotsial-demokratik partiyasidan Xalq deputatlari Uchquduq tuman Kengashiga 14-Navoiy saylov okrugidan saylangan deputat M.Ravshanova tomonidan tuman maktabgacha va maktab ta’limi bo‘limiga qarashli 4-maktabgacha ta’lim tashkilotida O‘zbekiston Respublikasining “Maktabgacha ta’lim va tarbiya to‘g‘risida”gi O‘RQ-595-son Qonuni ijrosi yuzasidan o‘rganish ishlari olib borildi.

O‘rganish davomida muassasada ta’lim-tarbiya jarayonining tashkil etilishi, bolalar uchun yaratilgan shart-sharoitlar, sanitariya-gigiyena talablariga rioya etilishi, pedagog xodimlarning faoliyati hamda tarbiyalanuvchilarning sifatli ta’lim olishi uchun amalga oshirilayotgan ishlar ko‘zdan kechirildi.

Shuningdek, qonun talablari asosida maktabgacha ta’lim tizimida olib borilayotgan ishlarning samaradorligi, bolalarning har tomonlama rivojlanishi uchun yaratilgan imkoniyatlar hamda ota-onalar bilan hamkorlik masalalariga alohida e’tibor qaratildi.

O‘rganish yakunida aniqlangan ayrim kamchiliklarni bartaraf etish yuzasidan mas’ullarga tegishli tavsiya va takliflar berildi.